கைதி
வெகு காலத்திற்குப் பிறகு திரையரங்கில் இரண்டாம் முறை விரும்பிச் சென்று பார்க்கிறேன்.
Golden rule of composition என்று புகைப்படக் கலையில் ஒரு முறை உண்டு. படத்தில் ஒரு Frame கூட அதிலிருந்து விலகிச் செல்லவில்லை. அத்தனை துல்லியமான ஒளிப்பதிவு! ❤️Sathyan Sooryan❤️
வேறு தளத்தில் பயணமான கதையின் ஒரு பகுதி மட்டுமே இந்தப் படம்.
முதல் காட்சியில் கையில் காயத்துடன் வரும் நரேன் கதாபாத்திரத்திலேயே அதை உணர முடியும். அந்தக் காயத்திற்கான காரணமோ அல்லது எப்படி அந்த கடத்தல் போதைப் பொருள் போலீசிடம் சிக்குகிறது என்ற முன்கதையோ படத்தில் இருக்காது.
எனவே இதையும்,கார்த்தி எப்படி ஆயுள்தண்டனைக் கைதியானார் என்ற கதையையும் கண்டிப்பாக இரண்டாம் பாகத்தில் எதிர்பார்க்கலாம்.நான் யூகிப்பது சரியாக இருந்தால் இரண்டாம் பாகம் கார்த்தியின் மகள் கடத்தலாக இருக்கக் கூடும்.
இந்தப் படத்தில் எனக்கு நெருடலாக இருந்தது... திருச்சி கமிஷனர் அலுவலகம் கேட்பாரின்றி அனாதையாக இருப்பது தான். அத்தனை முக்கியமான ஒரு அலுவலகத்தில் நடக்கும் களேபரங்களும் ஒருவரது கவனத்திற்குக் கூட நான்கு மணி நேரங்களாக வராமல் இருப்பது அதிசயம் தான்.
கதையை சிசிடிவி, செல்போன் டவர் என்பது போன்ற எந்த வசதியும் இல்லாத சத்தியமங்கலம் காட்டுப் பகுதியில் ஏதோ ஒரு காவல் நிலையத்தில் நடப்பது போலக் காட்டியிருக்கலாம். கொஞ்சம் நம்பகத்தன்மை கிடைத்திருக்கும்.
மற்றபடி திரைக்கதை நகர்வு படத்தில் அதகளம்!
கைதி குழுவினர் அனைவருக்கும், இயக்குனர் Lokesh Kanagaraj அவர்களுக்கும் வாழ்த்துக்கள் !